Ниво 1

Нагласете дека од пенисот може да излезе сперма. Иако, како информација, веќе е повеќе пати наведена во неколку претходни приказни, сепак потенцирајте ја спермата/сперматозоидите, бидејќи истите се важни за разбирање на процесот на зачнување.

Илустрацијата ќе му помогне на Вашето дете/ученик/роднина/корисник да ја визуелизира положбата на пенисот, внатре во вагината на девојката. Затоа покажете ги на илустрацијата пенисот на момчето и вагината и матката на девојката.

Иако чинот на сексуален однос е детално опишан во една од претходните приказни „Сексуален однос“, сепак повторно нагласете дека внесувањето на пенисот во вагината претставува сексуален однос. Од особено значење е Вашето дете/ученик/роднина/корисник да ја запомни таа информација, за да може следствено да го разбере процесот на зачнување. Дополнително, побарајте од Вашето дете/ученик/роднина/корисник да ја опише лицевата експресија на момчето и девојката претставени на илустрацијата, за да потоа се именува како и двајцата се чувствуваат за време на сексуалниот однос. На овој начин поставувате правило дека сексуалниот однос треба да предизвика убави чувства и желба за истиот, а не болка и одбивност.

Покажете го бебето во матката на девојката. Доколку во Вашето место на живеење се користат и други зборови за „бремена“ девојка/жена, наведете ги и нив (трудна и сл.). Исто така, доколку во блиското опкружување на Вашето дете/ученик/роднина/корисник има девојка/жена која е бремена посочете ја истата. На тој начин Вашето дете/ученик/роднина/корисник полесно може да ја поврзе новата информација со неговото претходно искуство, знаење.

Набројте ги луѓето со кои Вашето дете/ученик/роднина/корисник може да разговара за сексуален однос. Доколку Вашето дете/ученик/роднина/корисник може да разговара и со други луѓе на тема сексуален однос, тогаш наведете ги и нив. Согласно можностите на Вашето дете/ученик/роднина/корисник потенцирајте дека тој разговор може да се одвива кога двајцата се сами и никој друг не може да ги слушне.

Исто така, многу важно е да потенцирате дека непрактикувањето на секс или немањето на желба за сексуален однос е исто така нормална појава кај многу луѓе, со дополнување дека секој има право да одлучи дали сака да има сексуален однос или не. На овој начин сексуалниот однос се претставува како право на избор, а не како однесување кое треба да биде практикувано од секој човек.

Од особено значење е да нагласите дека тие промени на телото не мора да се случуваат секој пат, особено излегувањето на спремата. На овој начин ја намалувате можноста Вашето дете/ученик/роднина/корисник да помисли дека нешто не е во ред со него, доколку сексуалниот однос не завршува секогаш на ист начин и со ист интензитет.

Слична состојба која може да биде споредена со оргазмот (задоволството и опуштеноста) која Вашето дете/ученик/роднина/корисник може да ја почувствува за време на сексуалниот однос е процесот на кивање. Согласно можностите на Вашето дете/ученик/роднина/корисник објаснете ги промените на телото кои се случуваат за време на кивање и потоа споредете ги со промените на телото кои се случуваат за време на сексуалниот однос.

Важно е да се наведе дека и кај девојката има физички промени на телото за време на сексуалниот однос. На тој начин се намалува можноста Вашето дете/ученик/роднина/корисник погрешно да ги интерпретира промените кај девојката за време на сексуалниот однос (како погрешни, лоши и сл.).