Ниво 1

Доколку сте во можност симулирајте го опишаниот процес. Во чаша наполнета со вода потопете предмет, кој наликува на тестот за бременост (стапче, молив и сл.). Согласно можностите на Вашето дете/ученик/роднина/корисник наведете дека тестот за бременост треба да стои потопен во урина неколку секунди (5-7 секунди) и потоа треба да се извади.

Опишете го тестот за бременост како стапче. Согласно можностите на Вашето дете/ученик/роднина/корисник дополнете дека тестот на едниот крај има капаче, кое се отвора и внатре има лента.

Нагласете дека тестот за бременост се купува само во аптека, односно дека не може да се купи во продавница.

Согласно можностите на Вашето дете/ученик/роднина/корисник посочете дека за време на бременоста во јајцеводите на девојката нема јајце клетки и следствено нема исфрлање на истите преку менструалната крв, односно нема менструација. Исто така, можете да го поедноставите објаснувањето со нагласување дека кога во матката има бебе, девојката нема менструација.

Согласно можностите на Вашето дете/ученик/роднина/корисник дополнете дека јајце клетката и сперматозоидот мора да останат внатре во матката, за да може од нив да почне да се развива бебе. Доколку јајце клетката и сперматозоидот излезат од матката низ вагината нема да се направи бебе во матката на девојката.

Посочете дека јајце клетката и сперматозоидот, откако се споиле, заедно патуваат од јајцеводот до матката. Со прст покажете го нивниот заеднички пат на илустрацијата.

Нагласете дека сперматозоидите на момчето се натпреваруваат кој прв ќе ја најде јајце клетката на девојката. Тој сперматозоид што ќе ја најде прв, само тој ќе може да влезе во јајце клетката. Важно е Вашето дете/ученик/роднина/корисник да разбере дека сперматозоидот и јајце клетката се спојуваат, односно дека сперматозоидот влегува внатре во јајце клетката.

Покажете ги на илустрацијата сперматозоидите, како и матката низ која се движат. Согласно можностите на Вашето дете/ученик/роднина/корисник дополнете дека бројот на сперматозоиди е многу поголем д претставениот на илустрацијата. Се со цел да може појасно да се види како патуваат, односно се движат сперматозоидите.

Важно е да нагласите дека од пенисот може да излезе сперма додека тој е внатре во вагината. Покажете ја спермата, претставена на илустрацијата внатре во матката. На овој начин се намалува можноста Вашето дете/ученик/роднина/корисник да добие погрешна претстава дека од пенисот излегува сперма само за време на мастурбација или влажен сон.

Посочете ја јајце клетката во јајцеводите. Доколку е потребно, како еден вид на повторување, покажете ги и вагината, матката и јајчниците. Исто така, ориентирајте го Вашето дете/ученик/роднина/корисник за местоположбата на женските репродуктивни органи, во долниот дел на стомакот на девојката/жената.