Ниво 1

Важно е Вашето дете/ученик/роднина/корисник да добие информација дека мастурбацијата е појава која се среќава и кај машките и кај женските, односно дека и машките и женските мастурбираат. Бидејќи во оваа приказна се објаснува мастурбација која се јавува пред или во текот на пубертетот нагласете дека мастурбацијата се јавува кај момчињата и мажите и девојките и жените. На овој начин се исклучуваат децата на годишна возраст помала од 9-8 години. Бидејќи тие не применуваат ваков тип на мастурбација. Доколку е присутна мастурбација на таа годишна возраст или помала, тогаш тоа не е мастурбација предизвикана од хормоналните промени, туку допирање на пенисот или вагината со цел запознавањето на телото и неговата функција, како и доживување на чувството на релаксација и намалување на анксиозност/тензија. Акцентот треба да се стави на разликите меѓу машка и женска мастурбација, односно дека машките го допираат својот пенис, а женските ја допираат својата вагина.

Поимот мастурбација е тежок за изговарање. Поради тоа не настојувајте Вашето дете/ученик/роднина/корисник точно да го изговори. Важно е да го препознае значењето на зборот, односно дека поимот мастурбација значи допирање и триење на пенисот кај машките. Нагласете дека мастурбирањето е нормална, природна појава, работа и дека тоа го практикуваат многу луѓе.

Доколку има и други личности од семејството или блиското опкружување на Вашето дете/ученик/роднина/корисник од кои може да побара или да очекува помош наведете ги и нив.

Нагласете дека и Вашето дете/ученик/роднина/корисник може да има мокар/влажен сон. На овој начин Вашето дете/ученик/роднина/корисник се запознава со промената која може да се случи и се намалува можноста за несакано изненадување. Согласно можностите и способностите на Вашето дете/ученик/роднина/корисник наведете дека ерекцијата и мокриот/влажен сон не може да се контролираат и дека тоа им се случува на многу момчиња.

Наведете дека покрај гаќите и пижамите, доколку чаршавот е мокар потребно е истиот да се смени. Согласно можностите и способностите на Вашето дете/ученик/роднина/корисник посочете која личност може да му помогне при менување на чаршавот. Доколку за Вашето дете/ученик/роднина/корисник менувањето на чаршавот претставува предизвик важно е тој да присуствува за да гледа или да помага на личноста која го прави тоа. Важно е да го запомни редоследот на активностите кои треба да се направат: мокар чаршав, следува менување на чаршав.

Нагласете дека е важно да се облечат чисти гаќи, исто како и после секое бањање.

Понудени се две опции за отстранување на искористената хартија или марамче. Согласно правилата кои се почитуваат во домот на Вашето дете/ученик/роднина/корисник посочете која опција е посоодветна, доколку двете заедно не се опција.

На пенисот речиси секогаш остануваат траги од спермата. Затоа е важно да нагласите дека е потребно пенисот да се избрише или измие. Доколку Вашето дете/ученик/роднина/корисник не ги користи поимите „тоалетна хартија“ или „влажно марамче“ истите заменете ги со поими кои нему му се познати ( хартија, тоалет, влажна марамица и сл.).

Доколку Вашето дете/ученик/роднина/корисник во домот користи друго место за складирање на валканата облека наведете го тоа место (машината за перење на облека и сл.). Доколку Вашето дете/ученик/роднина/корисник не го користи поимот „валкана облека“, истиот заменете го со поим кој нему му е познат ( нечисти алишта и сл.).

Наведе дека е важно да се одржува интимна хигиена, односно дека е потребно да се сменат гаќите и пижамите, без да се крие појавата.