Ниво 1

Посочете дека гаќите и пижамите може да бидат мокри и од спермата, не само од урината/мочката (доколку на Вашето дете/ученик/роднина/корисник мокри за време на спиење). Важно е да се нагласи дека дамката на гаќите и пижамите не е од мочка/урина. Дополнително наведете дека многу момчиња имаат мокар/влажен сон. Можете да посочите личности од семејството или блиското опкружување на Вашето дете/ученик/роднина/корисник кои имаат или имале мокар/влажен сон за време на пубертет.

Согласно можностите и способностите на Вашето дете/ученик/роднина/корисник наведете дека од пенисот излегуваат две течности урина/мочка и сперма. Посочете дека спермата почнува да излегува кај момчиња кога нивното тело почнува да се менува, односно кога почнува нивниот пубертет.

На илустрацијата посочете го пределот на пенисот за да Вашето дете/ученик/роднина/корисник ја воочи промената, односно ерекцијата.

Наведете и други личности од машки пол на таа возраст од семејството или блиското опкружување на Вашето дете/ученик/роднина/корисник. Доколку Вашето дете/ученик/роднина/корисник се уште не го поминал тој развоен период, односно е помлад, посочете или покажете слика од негова блиска машка личност, постара од него (татко, брат, родина, другар и сл.) која е во наведениот развоен период. Наведете дека и тој ќе биде дедо, како лицето кое го посочивте како пример.

Наведете дека е во ред доколку нема жена и деца, односно не формира свое семејство.

Наведете и други личности од машки пол на таа возраст од семејството или блиското опкружување на Вашето дете/ученик/роднина/корисник. Доколку Вашето дете/ученик/роднина/корисник се уште не го поминал тој развоен период, односно е помлад, посочете или покажете слика од негова блиска машка личност, постара од него (татко, брат, родина, другар и сл.) која е во наведениот развоен период. Наведете дека и тој ќе биде маж, како лицето кое го посочивте како пример.

Согласно можностите и способностите на Вашето дете/ученик/роднина/корисник нагласете дека допирањето на пенисот е во ред само кога тој е во својата соба/спалната соба или WC со затворена врата. Посочете дека многу момчиња и мажи го допираат својот пенис, односно мастурбираат.

Доколку Вашето дете/ученик/роднина/корисник има другарка со која сака повеќе да се дружи или едноставно зборува повеќе за неа посочете ја таа другарка како пример.

Направете споредба меѓу гласот на Вашето дете/ученик/роднина/корисник и гласот на возрасна машка личност од семејството или блиското опкружување на Вашето дете/ученик/роднина/корисник. Доколку Вашето дете/ученик/роднина/корисник го поминал тој развоен период, односно веќе има променет глас, направете споредба со неговиот глас и глас на дете од семејството или блиското опкружување. На овој начин ќе Вашето дете/ученик/роднина/корисник ќе ја воочи промената на сопствениот глас.