Ниво 1

Имајќи предвид дека поимот јајчници е тежок за изговарање, не настојувајте премногу Вашата ќерка/ученичка/роднина/корисничка точно да ги изговори истите. Важно е да ги препознае на илустрацијата.

Дополнете дека секој има право да каже не на допир. Споредете му на Вашето дете/ученик/роднина/корисник дека како тој што не сака некогаш да го допираат, така и другите луѓе некогаш не сакаат да бидат допирани. Согласно можностите на Вашето дете/ученик/роднина/корисник набројте неколку можни причини зошто допирот во тој момент може да биде непосакуван од соговорникот (не е расположен, тажен е, не сака да го гушкаат и сл.).

Оваа ситуација можете да ја вежбате со Вашето дете/ученик/роднина/корисник преку игра на улоги, каде практично ќе ја претставите ситуацијата.

Нагласете дека е во ред да се праша за дозвола, пред да се гушне некој, бидејќи само така Вашето дете/ученик/роднина/корисник може да знае дали може да допре некој или не. Оваа ситуација можете да ја вежбате со Вашето дете/ученик/роднина/корисник преку игра на улоги, каде практично ќе ја претставите ситуацијата и прашањето кое треба да се постави.

Нагласете ја лицевата ескпресија на соговорникот на Вашето дете/ученик/роднина/корисник (збунет, изненаден, лут и сл.) и положбата на телото (наведната кон назад, се обидува да се тргне, со рака се обидува да го спречи допирот и сл.). Посочете дека тоа е знак дека тој допир е непријатен за соговорникот и дека не сака да биде допрен (гушнат, бакнат и сл.).

Помогнете и на Вашата ќерка/ученичка/роднина/корисничка да ја препознае главата од бик на илустрацијата. На тој начин полесно ќе направи асоцијација за формата на женските репродуктивни органи и полесно ќе ги меморира.

Набројте и други места каде Вашето дете/ученик/роднина/корисник оди често, за да може да се поистовети претставената ситуација (на пример: базен, трговски центри, кафич, ресторан и сл.).

Доколку изговарањето на машките репродуктивни органи (пенис, тестиси, семевод и уретра) претставува тешкотија за Вашата ќерка/ученичка/роднина/корисничка истите именувајте ги само како машки органи. Важно е претставената илустрација да ја именува како машки репродуктивни органи или машки органи и да ја знае нивната местоположба во долниот дел на стомакот на машкото.

Наведете и друга личност од семејството или блиското опкружување на Вашата ќерка/ученичка/роднина/корисничка со машки репродуктивни органи. Важно е да се потенцира дека машките репродуктивни органи се наоѓаат внатре во стомакот на машкото, не женското. На овој начин се исклучува можноста Вашата ќерка/ученичка/роднина/корисничка да научи дека една личност има и машки и женски репродуктивни органи.

Наведете и друга личност од семејството или блиското опкружување на Вашата ќерка/ученичка/роднина/корисничка со женски репродуктивни органи. Доколку изговарањето на поимот репродуктивни органи претставува тешкотија за Вашата ќерка/ученичка/роднина/корисничка истите именувајте ги само како женски органи.