Ниво 1

Нагласете дека женските имаат женски репродуктивни органи или само женски органи, а машките имаат машки репродуктивни органи или само машки органи. Согласно можностите и способностите на Вашата ќерка/ученичка/роднина/корисничка набројте ги и женските репродуктивни органи (вагина, матка, јајцеводи и јајчници) и машките (пенис, тестиси, семевод и уретра). Доколку изговарањето претставува тешкотија, тогаш само како машки или женски репродуктивни органи посочете ги на илустрацијата.

Асоцирајте ја формата на вагината со тунел. Асоцирање на вагината со тунел може да ја зголеми можноста за полесно препознавање на истата. Дополнително потсетете ја Вашата ќерка/ученичка/роднина/корисничка дека вагината претходно ја именувавте и како приватен дел. Нагласете дека вагината помага во создавањето на бебето и затоа се вика и репродуктивен орган.

Согласно можностите и способностите на Вашата ќерка/ученичка/роднина/корисничка посочете дека бебето на почетокот е мало, но потоа расте се поголемо и поголемо.

Оваа ситуација можете да ја вежбате со Вашето дете/ученик/роднина/корисник преку игра на улоги, каде практично ќе ја претставите ситуацијата.

Имајќи предвид дека поимот матка е тежок за изговарање и доста апстрактен, не настојувајте премногу Вашата ќерка/ученичка/роднина/корисничка да го изговори правилно. Важно е матката да ја препознае на илустрација. Асоцирање на матката со инка може да ја зголеми можноста за полесно препознавање на истата.

Набројте ги роднините кои Вашето дете/ученик/роднина/корисник ги има. Нагласете дека е во ред да се праша за дозвола, пред да се гушне некој, бидејќи само така Вашето дете/ученик/роднина/корисник може да знае дали може да допре некој или не. Оваа ситуација можете да ја вежбате со Вашето дете/ученик/роднина/корисник преку игра на улоги, каде практично ќе ја претставите ситуацијата и прашањето кое треба да се постави.

Имајќи предвид дека поимот јајцеводи е тежок за изговарање и доста апстрактен, не настојувајте премногу Вашата ќерка/ученичка/роднина/корисничка да го изговори правилно. Важно е истите да ги препознае на илустрација. Асоцирање на јајцеводите со цевки може да ја зголеми можноста за полесно препознавање на истите.

Важно е да се понуди опција за начинот на кој комуникацијата може да продолжи меѓу Вашето дете/ученик/роднина/корисник и соговорникот, доколку соговорникот не сака да биде допрен. Разговор без допири е една од опциите.