Машко

Опишете ја лицевата експресија претставена на илустрацијата. Побарајте од Вашето дете/ученик/роднина/корисник да каже како тој се чувствува додека игра на мобилен или таблет и да покаже каков израз на лицето има (како му изгледа лицето) додека игра на мобилен или таблет. Предложените активности изведувајте ги пред огледало. Доколку сте во можност искористете природна ситуација кога опишаната активност се случува спонтано за да дискутирате со Вашето дете/ученик/роднина/корисник како тој се чувствува.

Заедно со Вашето дете/ученик/роднина/корисник дискутирајте кога неговите пазуви мирисаат убаво (после бањање, ставање на дезодоранс (доколку користи, во зависност од возраста). Опишете ја лицевата експресија претставена на илустрацијата. Заедно со Вашето дете/ученик/роднина/корисник застанете пред огледало. Вие помирисајте ги Вашите пазувите и опишете ја Вашата лицева ескпресија. Потоа побарајте од Вашето дете/ученик/роднина/корисник да ги помириса своите пазуви и да го опише изгледот на своето лице. Доколку сте во можност искористете природна ситуација кога опишаната активност Вашето дете/ученик/роднина/корисник ја практикува спонтано за да дискутирате како тој се чувствува.

Поврзете го поимот убаво со пријатно. Дополнете дека пријатно значи убаво и обратно. Опишете ги лицевите експресии, претставени на илустрацијата, со зборови познати на Вашето дете/ученик/роднина/корисник (детето е весело, среќно, задоволно,мирно, се смее и сл.). Заедно со Вашето дете/ученик/роднина/корисник застанете пред огледало и обидете се да ги демонстрирате експресиите прикажани на илустрацијата. Покажете му на Вашето дете/ученик/роднина/корисник како изгледа Вашето лице кога се чувствувате пријатно/убаво. Потоа побарајте од Вашето дете/ученик/роднина/корисник да покаже како изгледа неговото лице кога тој се чувствува пријатно/убаво. Предложените активности изведувајте ги пред огледало.

Нагласете дека машките репродуктивни органи ја првата спермата и дека од спермата може да се создаде бебе. Во однос на создавањето на бебето, секогаш наведете дека е потребно сперматозоидот да влезе кај женското, односно во женските репродуктивни органи. На тој начин ја исклучувате можноста Вашето дете/ученик/роднина/корисник да претпостави дека само од сперматозоидот може да се создаде бебе.

Наведете дека токму сперматозоидот од машкото треба да влезе во женското, односно женските репродуктивни органи за да се создаде бебе. Согласно можностите и способностите на Вашето дете/ученик/роднина/корисник можете да дополните дека девојката или жената која има бебе во стомакот/матката се вели дека е трудна или бремена. Доколку има трудна/бремена жена во семејството или блиското опкружување на Вашето дете/ученик/роднина/корисник посочете ја неа како пример.

Нагласете дека сперматозоидите се многу мали и затоа не се гледаат во спермата.

Важно е како нова информација да го претставите создавањето на спермата во тестисите. Согласно можностите и способностите на Вашето дете/ученик/роднина/корисник опишете го патот на спермата од тестисите до отворот на пенисот, претставен како во текстот или пак применете кратка верзија во која спермата од тестисите оди во пенисот од каде и излегува. Одберете ја онаа верзија која најмногу одговара на индивидуалните можности и способности на Вашето дете/ученик/роднина/корисник.

Нагласете дека репродуктивните органи ја првата спермата.

Наведете и друга личност од семејството или блиското опкружување на Вашето дете/ученик/роднина/корисник со женски репродуктивни органи. Доколку изговарањето на поимот репродуктивни органи претставува тешкотија за Вашето дете/ученик/роднина/корисник истите именувајте ги само како женски органи. Важно е да се потенцира дека женските репродуктивни органи се наоѓаат внатре во стомакот на женското, не машкото. На овој начин се исклучува можноста Вашето дете/ученик/роднина/корисник да научи дека една личност има и машки и женски репродуктивни органи.

Застанете пред огледало и на телото на Вашето дете/ученик/роднина/корисник посочете го долниот дел од стомакот во кој се сместени репродуктивните органи пенис, тестиси, семевод и уретра.