Сексуалност и сексуално однесување

Како за сите активности во сексуална врска (гушкање, бакнување и сл.), така и за сексуалниот однос од особено значење е да ја нагласите потребата од двострана согласност меѓу Вашето дете/ученик/роднина/корисник и девојката.

Експлицитното објаснување, дефинирање на сексуалниот однос е многу важно. Секоја примена на „пристојни“ фрази ја намалува можноста Вашето дете/ученик/роднина/корисник да добие точна и недвосмислена информација. Неминовна е потребата од нагласување на годишната возраст кога сексуалниот однос е дозволен, со цел да се намали можноста од прекршување на законот.

Важно е да ги посочите физичките промени кои се случуваат при присуство на сексуални чувства. На овој начин Вашето дете/ученик/роднина/корисник овие промени ќе ги доживее како составен дел од сексуалната врска, наместо како промени за кои не знае дали воопшто треба да бидат присутни.

Согласно можностите на Вашето дете/ученик/роднина/корисник објаснете дека сексуалните чувства може да станат уште посилни кога тој е со девојката. Затоа може да се јави желба и кај двајцата да бидат уште поблиски, односно да се соблечат голи и да се допираат. Нагласете ја потребата од приватност во таа ситуација.

Потенцирајте ја потреба од согласност од двете страни за практикување на било какви допири меѓу Вашето дете/ученик/роднина/корисник и девојката. Од особено значење е да се воспостави правилото на обострана согласност,со цел намалување на можноста за сексуална злоупотреба.

Повторете ги активностите кои се практикуваат во сексуална врска меѓу дечкото и девојката. Нагласете ги чувствата кои се присутни за време на тие допири, со опис на лицевите експресии претставени на илустрациите.

Повторете ги карактеристиките на сексуалната врска со Вашето дете/ученик/роднина/корисник (кои активности и чувства ги вклучува сексуалната врска, односно како се чувствуваат дечко и девојка во врска и што може тие да прават.)

Набројте ги луѓето со кои Вашето дете/ученик/роднина/корисник може да разговара за сексуалните чувства кои ги доживува. Доколку Вашето дете/ученик/роднина/корисник може да разговара и со други луѓе на тема сексуални чувства, тогаш наведете ги и нив. Согласно можностите на Вашето дете/ученик/роднина/корисник потенцирајте дека тој разговор може да се одвива кога двајцата се сами и никој друг не може да ги слушне.

Важно е да сексуалните чувства да се прифатат како нормална појава. Асоцирајте ги сексуалните чувства со позитивни емоции, доживувања кои се јавуваат кај Вашето дете/ученик/роднина/корисник.

Посочете дека сексуалните чувства не се јавуваат само кај младите, туку и кај возрасните луѓе, односно дека сите луѓе имаат сексуални чувства. Согласно можностите на Вашето дете/ученик/роднина/корисник наведете дека сексуалните чувства се посилни кај младите луѓе, а кај постарите се послаби.