Човечкото тело и развој

На самата илустрација со прст посочете ги деловите, патот низ кој минува јајце клетката.

Имајќи предвид дека поимот јајце клетка е тежок за изговарање и доста апстрактен, не настојувајте премногу Вашата ќерка/ученичка/роднина/корисничка да го изговори правилно. Важно е истата да ја препознае на илустрација, односно дека јајце клетката се создава во јајчниците. Согласно можностите и способностите на Вашата ќерка/ученичка/роднина/корисничка може да го користите и терминот топче, за именување на јајце клетка.

Наведете и друга личност од семејството или блиското опкружување на Вашата ќерка/ученичка/роднина/корисничка со машки репродуктивни органи. Важно е да се потенцира дека машките репродуктивни органи се наоѓаат внатре во стомакот на машкото, не женското. На овој начин се исклучува можноста Вашата ќерка/ученичка/роднина/корисничка да научи дека една личност има и машки и женски репродуктивни органи.

Согласно можностите и способностите на Вашата ќерка/ученичка/роднина/корисничка потсетете ја дека вагината е приватен дел од телото, но дека исто така служи за создавање на бебе, поради што спаѓа во групата на женски репродуктивни органи.

Во рамки на семејството или блиското опкружување на Вашата ќерка/ученичка/роднина/корисничка посочете кои лица се женски (мајка, сестра, тетка, баба, братучетка и др.).

Нагласете дека Вашата ќерка/ученичка/роднина/корисничка е женско и посочете ги женските репродуктивни органи на илустрацијата. Дополнително можете повторно да наведете и други женски личности од семејството или блиското опкружување на Вашата ќерка/ученичка/роднина/корисничка.

Нагласете дека женските имаат женски репродуктивни органи или само женски органи, а машките имаат машки репродуктивни органи или само машки органи. Согласно можностите и способностите на Вашата ќерка/ученичка/роднина/корисничка набројте ги и женските репродуктивни органи (вагина, матка, јајцеводи и јајчници) и машките (пенис, тестиси, семевод и уретра). Доколку изговарањето претставува тешкотија, тогаш само како машки или женски репродуктивни органи посочете ги на илустрацијата.

Асоцирајте ја формата на вагината со тунел. Асоцирање на вагината со тунел може да ја зголеми можноста за полесно препознавање на истата. Дополнително потсетете ја Вашата ќерка/ученичка/роднина/корисничка дека вагината претходно ја именувавте и како приватен дел. Нагласете дека вагината помага во создавањето на бебето и затоа се вика и репродуктивен орган.

Согласно можностите и способностите на Вашата ќерка/ученичка/роднина/корисничка посочете дека бебето на почетокот е мало, но потоа расте се поголемо и поголемо.

Имајќи предвид дека поимот матка е тежок за изговарање и доста апстрактен, не настојувајте премногу Вашата ќерка/ученичка/роднина/корисничка да го изговори правилно. Важно е матката да ја препознае на илустрација. Асоцирање на матката со инка може да ја зголеми можноста за полесно препознавање на истата.