Човечкото тело и развој

Имајќи предвид дека поимот јајцеводи е тежок за изговарање и доста апстрактен, не настојувајте премногу Вашата ќерка/ученичка/роднина/корисничка да го изговори правилно. Важно е истите да ги препознае на илустрација. Асоцирање на јајцеводите со цевки може да ја зголеми можноста за полесно препознавање на истите.

Имајќи предвид дека поимот јајчници е тежок за изговарање, не настојувајте премногу Вашата ќерка/ученичка/роднина/корисничка точно да ги изговори истите. Важно е да ги препознае на илустрацијата.

Помогнете и на Вашата ќерка/ученичка/роднина/корисничка да ја препознае главата од бик на илустрацијата. На тој начин полесно ќе направи асоцијација за формата на женските репродуктивни органи и полесно ќе ги меморира.

Доколку изговарањето на машките репродуктивни органи (пенис, тестиси, семевод и уретра) претставува тешкотија за Вашата ќерка/ученичка/роднина/корисничка истите именувајте ги само како машки органи. Важно е претставената илустрација да ја именува како машки репродуктивни органи или машки органи и да ја знае нивната местоположба во долниот дел на стомакот на машкото.

Наведете и друга личност од семејството или блиското опкружување на Вашата ќерка/ученичка/роднина/корисничка со машки репродуктивни органи. Важно е да се потенцира дека машките репродуктивни органи се наоѓаат внатре во стомакот на машкото, не женското. На овој начин се исклучува можноста Вашата ќерка/ученичка/роднина/корисничка да научи дека една личност има и машки и женски репродуктивни органи.

Наведете и друга личност од семејството или блиското опкружување на Вашата ќерка/ученичка/роднина/корисничка со женски репродуктивни органи. Доколку изговарањето на поимот репродуктивни органи претставува тешкотија за Вашата ќерка/ученичка/роднина/корисничка истите именувајте ги само како женски органи.

Пред огледало посочете го долниот дел од стомакот на Вашата ќерка/ученичка/роднина/корисничка за да има претстава каде се наоѓаат женските репродуктивни органи.

Доколку изговарањето на поимот репродуктивни органи претставува тешкотија за Вашата ќерка/ученичка/роднина/корисничка истите именувајте ги како женски органи/женски делови/делови за создавање на бебе.

Во рамки на семејството или блиското опкружување на Вашата ќерка/ученичка/роднина/корисничка посочете кои лица се женски (мајка, сестра, тетка, баба, братучетка и др.), а кои машки (татко, брат, чичко, дедо, братучед и др.).

Нагласете дека машките репродуктивни органи ја првата спермата и дека од спермата може да се создаде бебе. Во однос на создавањето на бебето, секогаш наведете дека е потребно сперматозоидот да влезе кај женското, односно во женските репродуктивни органи. На тој начин ја исклучувате можноста Вашето дете/ученик/роднина/корисник да претпостави дека само од сперматозоидот може да се создаде бебе.