Ниво 1

Важно е да се наведе дека за купување на таблетите девојката мора да има рецепт од доктор/докторка. Согласно можностите на Вашето дете/ученик/роднина/корисник и претходното искуство можете да наведете дека тоа е рецепт како рецептите кои докторот или докторката ги дава за купување на таблети, апчиња или сирупи кога луѓето се болни.

Согласно можностите на Вашето дете/ученик/роднина/корисник наведете дека таблетите не даваат јајце клетката да излезе од јајачниците, поради што сперматозоидите не можат да дојдат до неа и да влезат во неа. Или пак можете да примените поедноставна верзија од објаснувањето, дека таблетите едноставно не дозволуваат јајце клетката и сперматозоидот да се спојат и да се создаде бебе. Или пак дека таблетите едноставно не даваат да се направи бебе.

Важно е да се наведе дека таблетите за контрацепција ги пие девојката. Таблетите се пијат секој ден во исто време. Согласно можностите на Вашето дете/ученик/роднина/корисник можете да го искористите времето претставено на илустрацијата и да објасните дека секој ден наутро во 9 часот девојката треба да ја испие таблетата. Исто така, можете да примените и друга временска асоцијација која е подобра за временска ориентација на Вашето дете/ученик/роднина/корисник како пред појадок, после појадок, после будење и сл.

Освен кондомот наведете дека има и други начини на кои може да се спречи девојката да остане бремена. Еден таков начин се таблетите за контрацепција. Доколку поимот „контрацепција“ претставува предизвик во изговарање и меморирање на истиот, употребете термин кој ќе биде полесен за употреба на Вашето дете/ученик/роднина/корисник (само таблети или само апчиња и сл.).

Наведете ги претставените локации на илустрацијата во блиското опкружување на Вашето дете/ученик/роднина/корисник, како блиска аптека, продавница или бензинска пупма од која може да се купат кондоми. На овој начин му посочувате примери на Вашето дете/ученик/роднина/корисник од конкретни места од кои може да се купат кондоми. Доколку сте во можност можете заедно со Вашето дете/ученик/роднина/корисник да појдете во блиската продавница, аптека или бензинска пупма за да му покажете во кој дел од продавницата, аптеката или бензинската пупма се наоѓаат кондомите.

На илустрацијата посочете го балончето во кое се собира спермата. Наведете дека на овој начин спермата останува во кондомот, не влегува во девојката.

Потенцирајте ја важноста од правилно местење на кондомот, односно дека кондомот мора да биде правилно наместен на пенисот за девојката да не остане бремена.
применува модел како замена на пенис, односно не ја разбира поврзаноста меѓу пенисот и моделот, тогаш единствен начин на демонстрирање е да му ги објасните чекор по чекор движењата на Вашето дете, применувајќи ги илустрациите, за да тој се обиде тие чекори да ги примени на себе, односно да се обиде да стави кондомот на својот пенис.

Важно е да нагласите дека момчето и девојката може да имаат секс, а девојката сепак да не остане бремена. При воведување на поимот „кондом“, доколку истиот е тежок за изговарање, тогаш можете истовремено да го користите и терминот „гумичка“. Користете ги и двата поими истовремено. На тој начин, доколку поимот „кондом“ не може да го изговори Вашето дете/ученик/роднина/корисник, сепак ќе го асоцира со поимот „гумичка“. Доколку во местото каде живее Вашето дете/ученик/роднина/корисник се користат други синоними за кондом, освен наведените, споменете ги и нив.

Иако чинот на сексуален однос е детално опишан во една од претходните приказни „Сексуален однос“, сепак повторно нагласете дека внесувањето на пенисот во вагината претставува сексуален однос/секс. Од особено значење е Вашето дете/ученик/роднина/корисник да ја запомни таа информација, за да може следствено да го разбере процесот на спречување на бременост. Доколку е потребно поедноставете ја реченицата „Ако немаат секс“ во „Ако пенисот не влезе во вагината на девојката“, за да може Вашето дете/ученик/роднина/корисник да го сфати концептот на немање секс.

Иако во претходните приказни начинот на создавање на бебе е детално прикажан, сепак уште еднаш нагласете, повторете дека бебе настанува со спојување на сперматозоидот од момчето и јајце клетка од девојката. Потоа посочете дека токму тоа спојување треба да се спречи, за да не настане бременост, односно девојката да не остане бремена.