Ниво 1

Толкувањето на говорот на телото е важно за воспоставување на комуникација. Секогаш опишете ја лицевата експресија (насмеан, расположен и сл.) и поставеноста на телото на соговорникот (стои до Вашето дете/ученик/роднина/корисник, не се обидува да се отргне и сл.).

Важно е Вашата ќерка/ученичка/роднина/корисничка да добие информација дека мастурбацијата е појава која се среќава и кај машките и кај женските, односно дека и машките и женските мастурбираат. Бидејќи во оваа приказна се објаснува мастурбација која се јавува пред или во текот на пубертетот нагласете дека мастурбацијата се јавува кај момчињата и мажите и девојките и жените. На овој начин се исклучуваат децата на годишна возраст помала од 9-8 години. Бидејќи тие не применуваат ваков тип на мастурбација. Доколку е присутна мастурбација на таа годишна возраст или помала, тогаш тоа не е мастурбација предизвикана од хормоналните промени, туку допирање на пенисот или вагината со цел запознавањето на телото и неговата функција, како и доживување на чувството на релаксација и намалување на анксиозност/тензија. Акцентот треба да се стави на разликите меѓу машка и женска мастурбација, односно дека машките го допираат својот пенис, а женските ја допираат својата вагина.

Доколку сте родител овозможете Вашата ќерка да ја види со огледало својата вагина и клиторисот. Доколку сте професионалец претставете го клиторисот употребувајќи ја претходната илустрација, но наведете дека истиот може да го види само со огледало.

Познавањето на сопственото тело е од особено значење за разбирање на начинот на кое истото функционира. Согласно можностите и способностите на Вашата ќерка/ученичка/роднина/корисничка наведете го клиторисот како дел од телото, со местоположба над уретрата или блиску до вагината. Важно е Вашата ќерка/ученичка/роднина/корисничка да знае дека има клиторис или топче, кое и предизвикува убави чувства кога го допира, односно да знае кој дел на телото го допира додека мастурбира.

Поимот мастурбација е тежок за изговарање. Поради тоа не настојувајте Вашата ќерка/ученичка/роднина/корисничка точно да го изговори. Важно е да го препознае значењето на зборот, односно дека поимот мастурбација значи допирање и триење на вагината кај женските. Нагласете дека мастурбирањето е нормална, природна појава, работа и дека тоа го практикуваат многу луѓе.

Од особено значење е Вашето дете/ученик/роднина/корисник да биде охрабрен на непријатен допир да каже не, без оглед од кого тој допир доаѓа. Во таа насока важно е да се нагласи изразот на лицето, кој треба да биде сериозен и раката да биде испружена напред, со што се дава знак со телото за прекин на допирањето. Изведувајте ги овие движења пред огледало, заедно со Вашето дете/ученик/роднина/корисник.

Од особено значење е Вашето дете/ученик/роднина/корисник да знае дека непријатни допири може да искуси од сите луѓе. Затоа е важно да се претстави оваа можна ситуација, за да истата биде препознаена доколку се случи.
Опишете ја лицевата експресија (збунет, изненаден, лут и сл.) и поставеноста на телото (згрчен, се обидува да се одбрани и сл.) и нагласете дека токму од лицето и телото се гледа дали на момчето му е пријатно или непријатно.

Од особено значење е Вашето дете/ученик/роднина/корисник да биде охрабрен на непријатен допир да каже не, без оглед од кого тој допир доаѓа. Во таа насока важно е да се нагласи изразот на лицето, кој треба да биде сериозен и раката да биде испружена напред, со што се дава знак со телото за прекин на допирањето. Изведувајте ги овие движења пред огледало, заедно со Вашето дете/ученик/роднина/корисник.