Ниво 1

Наведете и друга личност од семејството или блиското опкружување на Вашата ќерка/ученичка/роднина/корисничка која има менструација (роднина, пријатели, познаници и сл.). На овој начин менструацијата се претставува како промена која се случува кај сите девојки и жени, а не само кај Вашата ќерка/ученичка/роднина/корисничка. Доколку Вашата ќерка/ученичка/роднина/корисничка се уште не го поминала тој развоен период, односно не добила менструација, посочете личност или покажете слика од нејзина блиска женска личност, постара од неа (мајка, сестра, родина, другарка и сл.) која има менструација. Дополнете дека Вашата ќерка/ученичка/роднина/корисничка кога ќе порасне и ќе биде девојка ќе има менструација.

Доколку имате слика од двата развојни периоди претставени на илустрацијата од Вашата ќерка/ученичка/роднина/корисничка направете ја споредбата меѓу детето и девојката. На овој начин Вашата ќерка/ученичка/роднина/корисничка ќе може да го визуелизира процесот на растење и да ги воочи промените кои настанале. Нагласете дека девојката има менструација, детето нема. Доколку Вашата ќерка/ученичка/роднина/корисничка се уште е дете, односно не е започнат следниот развоен период - пубертет, нагласете дека во иднина таа ќе порасне и ќе добие менструација. Менструацијата значи дека таа пораснала поголема.

Опишете го денот кога Вашата ќерка/ученичка/роднина/корисничка ја добила првата менструација (доколку имате информации за истиот:годишна возраст, како таа реагирала, процесот на ставање/носење на влошка и сл.). Доколку Вашата ќерка/ученичка/роднина/корисничка се уште не добила менструација наведете дека во иднина тоа треба да се случи и кај неа, односно дека треба да ја очекуваа менструацијата.

Нагласете дека женските делови во стомакот не може да ги види Вашата ќерка/ученичка/роднина/корисничка. Пред огледало заедно посочете го делот од стомакот во кој се наоѓаат женските делови (меѓу папокот и вагината).

Пред огледало или на слика од Вашата ќерка/ученичка/роднина/корисничка посочете ги набројаните промени. Доколку Вашата ќерка/ученичка/роднина/корисничка се уште не ги доживеала наведените промени посочете дека истите ќе се случат во иднина, односно дека Вашата ќерка/ученичка/роднина/корисничка треба да очекува нејзиното тело да изгледа слично како телото претставено на илустрацијата.

Нагласете дека е важно да ги почитуваме правилата на однесување со членовите на семејството, роднините, другарите, познаниците и странците, односно лицата кои не ги познаваме.

Набројте и други ситуации каде Вашето дете/ученик/роднина/корисник среќава странци (на пример на спортски натпревар, концерт, трговски центри и сл.). Согласно можностите на Вашето дете/ученик/роднина/корисник нагласете дека некогаш со странците може да зборува, доколку нешто го прашаат, но не и да го допираат. Исто така во одредени ситуации и тој може да ги праша нешто странците, но не и да ги допира.

Нагласете дека Вашето дете/ученик/роднина/корисник најчесто само ќе ги допира познаниците на рака, кога се поздравува со нив. Согласно можностите на Вашето дете/ученик/роднина/корисник дополнете дека може да има и ретки ситуации во кои тој би ги гушнал и бакнал познаниците во образ (на пример, кога им честита роденден или некоја друг вид на прослава и сл.).