Машко

Важно е да нагласите дека кога кондомот е наместен на пенисот, тогаш пенисот може да влезе во вагината. На тој начин девојката нема да остане бремена. Од особено значење е да се претстави овој чекор (ставање кондом на пенис, потоа внесување на пенисот во вагината), бидејќи може да се случи погрешно толкување на чекорите. Без претставување на оваа илустрација (сексуалниот однос), односно чекор постои можност Вашето дете/ученик/роднина/корисник да сфати дека кондомот се става и веднаш потоа се вади, а потоа следува сексуалниот однос.

Потенцирајте ги двата критериуми за правилно наместен кондом: балонче без воздух и гумен прстен до крајот на пенисот.

Нагласете ја потребата гумениот прстен од кондомот да биде наместен до крајот на пенисот. Како што е претставено на илустрацијата демонстрирајте го движењето прво Вие, а потоа дозволете му на Вашето дете/ученик/роднина/корисник да ги проба движењата на моделот/пенисот. Доколку е потребно применете рака на рака поддршка при местење на кондом на модел, со што ќе го олесните процесот на моторно учење на движењето за повлекување на кондомот до крајот на моделот.

Важно е Вашето дете/ученик/роднина/корисник да ги запомни моторните движења на двете раце, вклучени во местење на кондомот. Затоа прво Вие чекор по чекор на моделот демонстрирајте ги движењата опишани во текстот, а потоа дозволете му на Вашето дете/ученик/роднина/корисник да ги проба движењата на моделот/пенисот. Доколку е потребно применете рака на рака поддршка при местење на кондом на модел, со што ќе го олесните процесот на моторно учење на движењето за повлекување на кондомот до крајот на моделот.

Доколку способностите и можностите на Вашето дете/ученик/роднина/корисник дозволуваат применете банана, краставица или дилдо како модел на пенис. Примената на модел се препорачува доколку Вашето дете/ученик/роднина/корисник ја разбира поврзаноста меѓу пенисот и моделот, односно значењето на самиот модел. На моделот демонстрирајте го ставањето на кондомот. Потенцирајте дека балончето, од кондомот, треба да биде стиснато и така да биде ставено на пенисот. Потоа дозволете му на Вашето дете/ученик/роднина/корисник да го стави кондомот на врвот на моделот. Доколку е потребно применете рака на рака поддршка, со што ќе го олесните процесот на моторно учење на движењето за ставање на кондомот на врвот на пенисот. Доколку способностите и можностите на Вашето дете не дозволуваат да се применува модел како замена на пенис, односно не ја разбира поврзаноста меѓу пенисот и моделот, тогаш единствен начин на демонстрирање е да му ги објасните чекор по чекор движењата на Вашето дете, применувајќи ги илустрациите, за да тој се обиде тие чекори да ги примени на себе, односно да се обиде да стави кондомот на својот пенис.

Посочете ги прстите на илустрацијата, кои го стискаат балончето или испакнатата страна на кондомот. Доколку имате обезбедено кондом демонстрирајте го движењето. Потоа дозволете му на Вашето дете/ученик/роднина/корисник да го стисне балончето, со цел да се истисне воздухот внатре. Доколку е потребно применете рака на рака поддршка, со што ќе го олесните процесот на моторно учење на движењето за истиснување на воздухот од балончето.

Посочете ја испакнатата страна на кондомот. Доколку имате обезбедено кондом, дозволете му на Вашето дете/ученик/роднина/корисник да ја допре истата. Исто така, свртете го кондомот од другата страна за да види дека таа страна е вдлабната, спротивно од испакнатата страна. Потоа покажете ја гумичката, која има форма на прстен или круг. Дозволете му на Вашето дете/ученик/роднина/корисник исто така да го допре прстенот, за да може полесно да го запомни како информација.

Доколку имате обезбедено кондом, демонстрирајте го отворањето на кондомот, притоа постојано нагласувајќи дека истиот се отвора од рапавата страна. Потоа дозволете му на Вашето дете/ученик/роднина/корисник да проба сам да отвори кондом. Доколку е потребно применете рака на рака поддршка, со што ќе го олесните процесот на моторно учење на движењата за правилно отворање на кондомот.

Доколку имате обезбедено кондоми, од кутијата извадете еден неотпакуван кондом. Посочете ги рамната (мазната) страна и рапавата страна на опаковката од кондомот. Дозволете му на Вашето дете/ученик/роднина/корисник со прст да ги допре двете страни, за да може полесно да ја воочи разликата.

Потенцирајте ја важноста од правилно местење на кондомот, односно дека кондомот мора да биде правилно наместен на пенисот за девојката да не остане бремена.