Што:
Приказната Менување влошка претставува продолжување на приказната Ставање влошка. Всушност содржината нуди дополнување на претходно научените чекори за ставање на влошка, преку воведување на нови дополнителни чекори за вадење, одлепување на влошка со крв од гаќите и ставање на нова чиста влошка на гаќите. Имајќи предвид дека редоследот на чекори е различен при првично ставање на влошка и при менување на веќе ставена влошка, информациите се поделени во две приказни кои чекор по чекор ги претставуваат процесите на ставање и менување на влошка.
Зошто е важно:
Запознавањето со процесот на менување на влошка игра клучна улога во постигнувањето на што е можно поголема независност на Вашата ќерка/ученичка/роднина/корисничка при справување со менструалниот период. Важно е Вашата ќерка/ученичка/роднина/корисничка да ја види и разбере потребата од редовно менување на влошките за време на менструалниот циклус.
Кога е соодветно да се обработува приказната?
Се препорачува запознавањето со процесот на менување на влошка да започне пред појавата на првата менструација. Предност се дава на учење на чекорите за ставање на чиста влошка и навикнување на сензацијата која влошката ја дава при носењето. Постепено се воведува обоената црвена вода, како симулација за крв и со тоа учењето на чекорите за вадење на влошката со крв и ставање на нова чиста влошка на гаќите.
