Сексуалност и сексуално однесување

Набројте ги членовите на семејството (мама, тато, сестра, брат итн.) и согласно можностите на Вашето дете/ученик/роднина именувајте ги истите според нивните лични имиња. Како член од семејството набројте го и Вашето дете/ученик/роднина, да знае дека и тој припаѓа на семејството. Потенцирајте дека со семејството Вашето дете/ученик/роднина има семејна врска.

Набројте луѓе од блиското и подалечното опкружување на Вашето дете/ученик/роднина/корисник (членови на семејството, роднини, пријатели, познаници и сл.). Посочете со кои од нив се гледа често, а со кои ретко.

Важно е да се ограничи кругот на луѓе со кои Вашата ќерка/ученичка/роднина/корисничка може да зборува за мастурбација. Поради здравствени причини исто така е важно Вашата ќерка/ученичка/роднина/корисничка да знае дека е дозволено таа да зборува за мастурбација и за промените на нејзината вагина со доктор или докторка. Само тогаш тие ќе може да и помогнат.

Важно е да се ограничи кругот на луѓе со кои Вашата ќерка/ученичка/роднина/корисничка може да зборува за мастурбација. Доколку во семејството или блиското опкружување на Вашата ќерка/ученичка/роднина/корисничка има и други личности со кои таа може да разговара на таа тема наведете ги и нив.

Една од целите на приказната е јасно да се ограничат просториите/местата во кои мастурбацијата е дозволена, а во кои е забранета. Согласно потребите на Вашата ќерка/ученичка/роднина/корисничка на вратите од просториите во нејзиниот дом може да се постават знаци кои визуелно ќе објаснат дали мастурбацијата е дозволена во конкретната просторија или не (црвен икс или зелена штикла, насмеано лице и сериозно лице и сл.). Ваков начин на визуелно обележување може да се применува се додека Вашата ќерка/ученичка/роднина/корисничка не ги научи правилата во однос на мастурбирањето.

Одржувањето на лична хигиена после секоја мастурбација претставува важен дел од целиот процес. Нагласете дека остатоците од течноста на рацете треба да се измијат, бидејќи во спротивно истата ќе лепи на нејзините раце.

Соодветното отстранување на искористената хартија или влажно марамче исто така е важно за намалување на можноста Вашата ќерка/ученичка/роднина/корисничка да привлече внимание од останатите членови на семејството и да се претпостави што таа правела. Тука се нагласува значењето на приватноста, односно дека другите луѓе не треба да знаат кога таа мастурбира.

Важно е да се нагласи дека од вагината може да излезе течност, за истата да не предизвика изненадување и непријатност кај Вашата ќерка/ученичка/роднина/корисничка. Одржувањето на хигиена после секоја мастурбација претставува важен дел од целиот процес. Нагласете дека течноста излезена од вагината треба да се избрише со тоалетна хартија или влажно марамче, бидејќи во спротивно истата ќе лепи на нејзините раце и вагината.

Важно е да се нагласи дека вагината станува влажна за време на мастурбацијата. Согласно можностите и способностите на Вашата ќерка/ученичка/роднина/корисничка наведете дека оргазмот е всушност крајот на мастурбацијата, кога најсилно се чувствува скокоткањето и топлината во вагината и стомакот. Доколку сфаќањето на оргазмот претставува предизвик тогаш наведете дека мастурбацијата може да заврши со многу силно убаво чувство.