Сексуалност и сексуално однесување

Разгледајте го растот на бебето според месеци, претставен на илустрацијата. Дополнително заедно со Вашето дете/ученик/роднина/корисник направете споредба на големината на бебето и стомакот на девојката во 1-2 месец со 7-9 месец, за да ја воочи разликата, односно дека постепено бебето расте во матката на девојката.

Наведете дека и преку крвта на девојката може да се дознае дали таа е бремена. За да дознае девојката треба да оди на лекар или во лабораторија, каде ќе и извадат крв од рака. Вадењето на крв од рака поврзете со претходно искуство на Вашето дете/ученик/роднина/корисник (доколку е позитивно) за да сфати дека постапката е иста.

Согласно можностите на Вашето дете/ученик/роднина/корисник наведете дека докторот/докторката најсигурно може да каже дали девојката е бремена или не. Доколку тестот за бременост е позитивен девојката мора да отиде на доктор, за тој/таа да потврди дали девојката е бремена. Исто така можете да ја опишете постапката на преглед, односно дека докторот/докторката со еден апарат (ЕХО) го допира стомакот на девојката или со него влегува во вагината на девојката, за да види дали во матката почнало да се развива бебе.

Согласно можностите на Вашето дете/ученик/роднина/корисник наведете дека една линија значи дека тестот е негативен, односно дека девојката не е бремена.

Различни тестови за бременост, во упатството за употреба, имаат наведено различно време потребно за тестот да покаже резултати. Во најголем број потребни се 3 минути за добивање на резултати. Сепак нагласете дека се потребни неколку минути, пред да може да се видат резултатите на тестот.

Доколку сте во можност симулирајте го опишаниот процес. Во чаша наполнета со вода потопете предмет, кој наликува на тестот за бременост (стапче, молив и сл.). Согласно можностите на Вашето дете/ученик/роднина/корисник наведете дека тестот за бременост треба да стои потопен во урина неколку секунди (5-7 секунди) и потоа треба да се извади.

Опишете го тестот за бременост како стапче. Согласно можностите на Вашето дете/ученик/роднина/корисник дополнете дека тестот на едниот крај има капаче, кое се отвора и внатре има лента.

Нагласете дека тестот за бременост се купува само во аптека, односно дека не може да се купи во продавница.

Согласно можностите на Вашето дете/ученик/роднина/корисник посочете дека за време на бременоста во јајцеводите на девојката нема јајце клетки и следствено нема исфрлање на истите преку менструалната крв, односно нема менструација. Исто така, можете да го поедноставите објаснувањето со нагласување дека кога во матката има бебе, девојката нема менструација.

Согласно можностите на Вашето дете/ученик/роднина/корисник дополнете дека јајце клетката и сперматозоидот мора да останат внатре во матката, за да може од нив да почне да се развива бебе. Доколку јајце клетката и сперматозоидот излезат од матката низ вагината нема да се направи бебе во матката на девојката.